EG Tukarku gagal lagi

Sedihnya ku raso, 

Duk mikir mari,

Umur koho tuo

Tok leh pindoh lagi

Hancurnyo harape

Luluhnyo hati

Bilo tahu keputusan

Egtukar gagal lagi

Ku sedih, ku sedih

Buke ku tok suko 

Cari make di sini

Ore baik blako

Tak dok baloh kelahi

Duk mikir ko mok

Hok kito saye

Tok leh gi jengok

Bila dia sakit deme

Ku bimbe, ku bimbe

Tapi apakan dayo,

Sudoh ketentuan

Terima dgn reda

Walau pahit ku teley

Saing yg berjauhan

Dengan anok bini

Mugo dipermudohkan

Pertukaran depe hari

Ku doa, ku doa

Tahniah kepado

Saing hok berjayo

Betul ore kato

Rezeki tok kemano

Selamat berjuang

Di tanoh sediri

Kalu umur panje

Kito jupo lagi..

Ku kenang ku kenang...

Nurkilan:

Mdsome

15 November 2018

02.35pm

Lirik: Dik Ayya - Arman DBA

Video

Dik Ayya  Oo Dik Ayya, kesayangan abey,

Dik Ayya ni ore lawa, rato2 jadi rebutan,

lamo tak dengar khabar, sihat ko tubuh badey,

harap adik segar, tido jenero lalu makey...

Lamo tidok berjumpa, manokoh gerangan,

lamo doh tak tengok rupa, koho hudoh ko koho comey,

Nanggung tak dok dengar cerito, apakah perkembangan,

Nangung tak dok dengar berito, dale susoh ko dale senang...

Sungguh cepat masa berlalu,  meninggalkan kisoh kita

Raso supo nga baru-baru, duk napok demo ado

Teringat lagi masa dulu-dulu,  masa kito duk kasih duo

Ado maso ku raso rindu,  jatuh jugok si air mato

Teringat tidok terhingga,  terbaye rupo dik ayya

Nanggong tido tok berapo jenero,  mari mipi duk mari mengiga

Walau adik jauh di mato,  kenange kito masih segar

Temue tu biar ado,  kito bulih jupo semula

Adik ayya cantik rupawan,  molek pulok budi pekerti

Sabit tu lah abe saye,  abe sipe dale hati

Abe try jugok nok buwe,  abe cubo nok cari gati

Ore lain tokleh nok lawe,  Adik ayya hok paling steady

Dik Ayya  Oo Dik Ayya, kesayangan abey,

Dik Ayya ni ore lawa, rato2 jadi rebutan,

lamo tak dengar khabar, sihat ko tubuh badey,

harap adik segar, tido jenero lalu makey,

Dimano adik sekarey,  masih buje ko bini ore..

Empat Perkara - Amran DBA

Lirik: 

Dengar saya nak pese, Terutama ore mudo-mudo

Keno bijok buat pilihe,  kalau kito nok berumah tanggo

Keno ikut garis panduan,  jange pilih ikut suko

Kito ado hadis Qur'an,  panduan untuk manusio

Kito pilih yang pertama, bilo hati doh berkene

Kito pilih kerano agamo,  kito cari ore beriman

Tingkah laku tu jago sokmo,  pe'el perangai tu keno comel

Hai nok petik sekuntum bungo,  keno hidu jugok haruman

Kito pilih yang kedua, pilih atah keturunan

Keno selidik jugok baka,  keno cari hok titih comel

Keno tunjuk ko ore tua,  biar ore tua berkene

Hai nok bino rumoh tanggo,  buke satu perkaro sene

Kito pilih yang ketigo, hok rezekinyo melimpah ruah

Kito pilih kerano harta,  kito pilih ore mudoh-mudoh

Apabila harta ado,  insya-Allah masa depan cerah

Melayari rumoh tanggo,  insya-Allah tidok susoh

Kito pilih yang keempat,  pilih pado paras rupo

Napok comel kito lihat,  raso sejuk tengok dimato

Seandainyo dio mekap,  khusus untuk suami sahaja

Rumoh tanggo gerenti berkat,  sama menuju ke taman syurga

Dengar saya nak pese, Terutama ore mudo-mudo

Keno bijok buat pilihe,  kalau kito nok berumah tanggo

Keno ikut garis panduan,  jange pilih ikut suko

Kito ado hadis Qur'an,  panduan untuk manusio

Video:

Hatiku Raso Gedebar - Yo Asmara

Lirik:

Hati ku rasa gedebar
Bila tengok ore tino lawa
Perasae tokleh kawal
Mari gilo semeta-semeta
Ajok mari, gi jalan pata
Main ombak, sambil bergurau
Hati ku tokleh sabar
Ingat ko demo ni ore lawa

Comelnyo sungguh weh rupo demo
Harumnyo subur umpama sekuntum bungo
Demo sore ku kene lamo
Siang male duk ingat sokmo

Hati ku rasa gedebar
Bila tengok ore tino lawa
Perasae tokleh kawal
Mari gilo semeta-semeta
Ajok mari, gi jalan pata
Main ombak, sambil bergurau
Hati ku tokleh sabar
Ingat ko demo ni ore lawa

Manisnya mulut bila demo senyum,
Hati terpaut pada dirimu,
Ku jatuh hati, ko diri demo
Lawa sengoti, tok beso jupo

Hati ku rasa gedebar
Bila tengok ore tino lawa
Perasae tokleh kawal
Mari gilo semeta-semeta
Ajok mari, gi jalan pata
Main ombak, sambil bergurau
Hati ku tok leh sabar
Ingat ko demo ni ore lawa

Anak Muda - Arman DBA

Lirik:

Ingatlah ore mudo, hidup zame sekare

Kenolah jago-jago,  sangat banyok cabare

Keno rajin wak kijo,  ikhtiar cari make

Buatlah apo sajo,  asal tahu halal hare

Hidup sari-sari, maso tetap berjale

Keno cari rezeki,  jange duk harap kokre

Wak kijo ikhlas hati, nok untung maso depe

Kijo caro sediri,  ikutlah kepandaian

Langkahmu keno cepat,  jange duk tunggu-tunggu

Kalau kita terlambat, bila kito nok maju

Pikul lah tanggungjawab, amanah ayoh dan ibu

Jadi ore yang hebat,  kekalkan hala tuju

Apo jua halange,  jange duk putus asa

Teruskan perjuangan,  jadi ore berjaya

Walau hidup dimano,  berbudi dan berjasa

Hidup pun nyo berguno, bino akhlak mulo

Kito rebut bersamo,  peluang mana ada

Hidup demi agamo,  bangsa dan negaro

Hidupmu jange sombong, Jange meninggi diri

Jauh sikap takabur, Bue hasad dan dengki

Jange harap disanjung,  Jange harap dipuji

Hidupmu takdok untung,  kelakmu ore beci

Lidoh tidok bertule,  Jagolah tutur kato

Jago lah perkataan,  hormat di ore tuo

Kito di dunio,  bukenyo berkekale

Hidup tidoklah lamo, yang ado akan hile

Cari ilmu agamo, sebagai bekalan

Hidup tidok berguno,  Kalu takdok amale.. 

Video:

Versi irama Malaysia

Versi akustik

Bulih - Arman DBA

Lirik:
bulih bulih.., bulih bulih...

Bulih la bulih, kito berkasih duo

Keno doh pilih, kito ore serupo

Kito berkasih,  buke suko-suko

Mungkin doh bertulih,  kito berumoh tanggo

Bulih bulih..  Bulih bulih..

Kito berjumpo,  dengan izin ilahi

Kasih dari mato, cinto turun ke hati

Suko sama suko,  saling menyintai

Bina hidup bahgio, kasih saye sejati

Comey comey..  Comey comey..

Comey lah comey, comey lah rupo demo

Abe berkeney,  abe duk idey lamo

Nok masuk piney,  harap adik terimo

Susoh atau seney, kito tetap bersamo

Comey comey..  Comey comey

Demi adik sore,  abe relo apo sajo

Abe relo berkorbey,  seluruh jiwo rago

Walau laut daley, abe Tidok kiro

Demi kasih dan saye, cinto kito berduo

Maghi maghi..  Maghi maghi..

Maghi lah maghi,  kito sumpoh setio

Kito berjanji, seia dan sekato

Kita sehati,  kito Sejiwo

Cinto yang abadi,  mugo sampai ke syurgo

Maghi maghi...  Maghi maghi..

Video: 

Nyanyian Versi Akustik

Dik Ayya - Amran DBA

Lirik:

Dik Ayya  Oo Dik Ayya, kesayangan abey,

Dik Ayya ni ore lawa, rato2 jadi rebutan,

lamo tak dengar khabar, sihat ko tubuh badey,

harap adik segar, tido jenero lalu makey...

Lamo tidok berjumpa, manokoh gerangan,

lamo doh tak tengok rupa, koho hudoh ko koho comey,

Nanggung tak dok dengar cerito, apakah perkembangan,

Nangung tak dok dengar berito, dale susoh ko dale senang...

Sungguh cepat masa berlalu,  meninggalkan kisoh kita

Raso supo nga baru-baru, duk napok demo ado

Teringat lagi masa dulu-dulu,  masa kito duk kasih duo

Ado maso ku raso rindu,  jatuh jugok si air mato

Teringat tidok terhingga,  terbaye rupo dik ayya

Nanggong tido tok berapo jenero,  mari mipi duk mari mengiga

Walau adik jauh di mato,  kenange kito masih segar

Temue tu biar ado,  kito bulih jupo semula

Adik Ayya cantik rupawan,  molek pulok budi pekerti

Sabit tu lah abe saye,  abe sipe dale hati

Abe try jugok nok buwe,  abe cubo nok cari gati

Ore lain tokleh nok lawe,  Adik Ayya hok paling steady

Dik ayya  Oo Dik Ayya, kesayangan abey,

Dik Ayya ni ore lawa, rato2 jadi rebutan,

lamo tak dengar khabar, sihat ko tubuh badey,

harap adik segar, tido jenero lalu makey,

Dimano adik sekarey,  masih buje ko bini ore..

Video:

Nyanyian secara live

Asrulfaizal - Keyboard Warrior (Dikir Identiti)

Loni ado penyakit baru

Duk sere manusio

Dunio haru biru

sakat timbul keyboard warrior

Kalu ado isu semaso

Pakat menaip status selalu

Takdok usul perikso

Duk buat tuduhan palsu

Ore caro hal politik

Dio pun nk bcaro retek

Hujoh dio tok cerdik

Ore baco pun tok respek

Mugo menulih tok paka duit

Hok tu berani taip pelik-pelik

Kalu tokse napok tok cerdik

Duduk diye toksoh ketek

Loni ado penyakit baru

Nati dengar gapo dio

Dunio haru biru

sakat timbul keyboard warrior

Tamboh-tamboh musim bola

Banyok benar tuke hura

Kalu mene nyo paka mengila

De kaloh supoh balik semula

Kato player main tok panda

Kato game ore bayar

Royak pulok ore atah kuca

Padahal mu bare baga

Loni ado penyakit baru

Nati dengar ambo kato

Dunio haru biru

sakat timbul keyboard warrior

Di Dale bab hukum hakam

Ramai benar nak jadi ustaz

Hai Duk sebar halal haram

Hok tu sesat kato hok ni sesat

Molek dulu rujuk al-quran

Ngaji hadis bui cerak

Cari guru ngadap duduk depe

Baru selamat dunio akhirat

Loni ado penyakit baru

Nati dengar ambo kato

Dunio haru biru

sakat timbul keyboard warrior

Hai nok pese hok peting skali

Banyok kali doh terjadi

Kalu bab ore mati

Jange post bendo hok tok pasti

Kade-kade mari mikir jugok

Jatuh kesie lah pulok

Kalulah internet tak dok

Keyboard warrior puah melengok

Kalu kito beraso tahu

Jange gaduh sebar kokre

Molek kaji terlebih dulu

Bui ado pengesahan

Loni ado penyakit baru

Duk sere manusio

Dunio haru biru

sakat timbul keyboard warrior

Anida - Arman DBA

Lirik: 

Kau manis jelita menawan hati

Budi bahasa sukar diganti

Anida Anida kasihku sejati

Seribu tahun tetap ku nanti

Senyummu manis secangkir madu

Suaramu lunak bak buluh perindu

Pantun berbudi bahasa berpadu

Buat hatiku bertambah rindu

Cintaku suci kasihku sejati

Tak dapat lagi ditukarlah ganti

Walau seribu ada pengganti

Dari yang lain baikku mati

Wahai Anida cantik rupawan

Pandainya pulak senda gurauan

Hatiku kini telah kau tawan

Siang dan malam dalam kerinduan

Wahai Anida muda remaja

Hanya engkaulah yang aku puja

Pabila aku menjadi raja

Permaisuriku engkaulah saja

Andaiku pergi selama-lama

Cintaku bawa bersama-sama

Dikau ku puja ibarat umpama

Dipagar bintang bulan purnama

Video:

Amran DBA - Melayu di hujung tanduk

Lirik:

Sayu hatiku raso tok leh duduk

Beraso malu kade-kade mari takut

Ingat ore melayu loni dihujung tanduk

Kalau tok bersatu kuaso asing akan masuk

Wahai sobatku buatlah renunge

Sejarah dulu kito jadikan pedoman

Saloh melulu sangat beratnyo hukuman

Hancur jadi debu bawo diangin berterbange

Sedihnyo hati mari raso sayu

Apo nok jadi kito ore melayu

Takdok jati diri tok supo denga dulu

Baloh samo sediri duk pecoh tokse bersatu

Pikir wi napok kito keno nilai

Keno pakat tolok campur tange ore luar

Kalau telajak bijok kalau tuan telajak panda

Mene pakat sorok tetapi kapo tergada

Tokken la kito nok diye diri lagi

Semo kuasa ore doh nok curi

Tepuk la dada tuan tanyolah hati

Nok ko jadi hamba dibumi kita sediri

Wahai anok Melayu jange pecoh beloh

Ayuh bersatu kito melangkah biar gagoh

Pakatlah tiru laksamana Hang Tuah

Pate mengaku sebelum kito kaloh

Pate mengaku sebelum kito kaloh

Video:

Amran DBA - Hujan Peluru

Ujian tuhe tok sapo tahu

Datangnyo pere hujan peluru

Ramai terkorban beribu-ribu

Mangsa penindasan oh saudaroku

Sungguhnya seksa menike jiwo

Tidok berdosa menjadi mangso

Tiada daya hancur binaso

Kerna angkara si gila kuaso

Habis doh hancur bumi tercinto

Menjadi lebur sekelip mato

Huje yang turun bowo derito

Tangis meraung berair mato

Peluru jahil tok kenal sapo

Hatinyo zalim kasihan tiado

Rejim Israel terus menerpo

Bumi Palestin terguris luko

Ditimpa hujan sekian lamo

Hujan yang datang bawok bencano

Semuo insan engkau di mano

Ayuh berjuang bersamo-samo

Ayuh saudaro ayuhlah teme

Lapangkan dado hulurkan tange

Lontar suaro tando perjuange

Saudaro kito dale ancame

Ayuh melangkoh kito berjuang

Pate berseroh kito melawan

Biarpun reboh di medan pere

Tumpohnyo daroh kerano tuhe

Tumpohnyo daroh kerano tuhe..

Amran DBA - Keluhan Ayoh Ibu

Lirik:
Ado mu sedar tok sedar segala perbuatan

Ibu ayoh mu tinggal mu cari kekayaan

Ibumu perut lapa ayoh make tok make

Ado mu tanyo kaba di mano kasih saye

Di mano kasih saye...

Mu bowok diri jauh dimato

Tok balik mari apo cerito

Setiap hari ibu berkata

Kemano pergi anok tercinto

Oo kuatnyo kasih saye hanyo tuhe yang tahu

Sie berganti male duk tanggung raso rindu

Tange raso nok pege nok tatap oh anokku

Ingat anokku sore hati menjadi sayu

Hati menjadi sayu..

Jange mu jadi anok derhako

Akhirat nanti azab nerako

Walau setinggi gunungnya harta

Syurga abadi dikaki bonda

Oo anokku yang tercinta insaflah pado diri

Ingat ayoh dan bonda tokleh nok jual beli

Semaso hayat ada cepatlah kelik mari

Biloku sudah tiada takkan kembali lagi

Takkan kembali lagi...

Video:

Amran DBA - Sebelum Ku Tinggal

Lirik: 

Sebelumku tinggal maaf lebih dulu

Mintokmu halal make minumku

Hati tok sapa tinggal ayoh ibu

Kerano belajar terpaksaku lalu

Seksanya menanggung tinggal keluargo

Jauh tinggal kapo nun jauh di mato

Puah doh ku hitung puah doh ku kiro

Ingat nasib untung jatuh air mato

Ku bawak diri dengannyo harape

Ku gi mengaji cari pelajare

Ayoh ibu nati penuh kasib saye

Aku balik mari bawak kejayaan

Berkatnyo doa ibu dan ayoh

Lupo semuo susoh dan payoh

Walau miskin hino semangatmu gagoh

Asal anok sempurno mu relo reboh

Sebelumku tinggal maaf lebih dulu

Mintokmu halal make minumku

Hati tok sapa tinggal ayoh ibu

Kerano belajar terpaksaku lalu

Video:

Amran & Arman DBA - Sahabat

Lirik:

Wahai sahabatku jange mu maroh

Mano berlaku hok sudoh tu sudoh

Aku pun tahu aku bersaloh

Aku gi dulu selamat berpisoh

Bukeku sengajo nok luko hati

Aku manusia ado kelemahan diri

Andaimu teraso ku susun jari

Mintok jaso jange mu benci

Sebelum mu maroh harus mu pikir

Bertahun sudoh kito bersain

Bersusoh payoh ke hulu ke hilir

Jange berpisoh kerano ore lain

Apo berlaku semo saloh pehe

Tok pikir dulu dengar kato ore

Kini baru ku tahu semo kesilape

Semo itu hanyo gurauan

Ku bawo diri jauh di mato

Bilakah lagi kito berjumpa

Sipe dihati kisah kito duo

Tetap ku nanti sahabat tercinta

Tetap ku nanti sahabat tercinta

Arman DBA - Terima Kasih

Lirik:
Puas sudah ku tanam ubi

Nenas juga ditanam orang

Puas sudah ku tabur budi

Emas juga dipandang orang

Terima kasih atah perbuatan

Mu tok pilih aku ore kure

Cari hok lebih mu bulih tupe

Aku duk kasih seney mu buwe

Oo tuhe malangnyo nasibku

Ku duk saye ore wak tok tahu

Sie male make pun tok lalu

Seksa bade menanggung rindu

Aku pujo pado ore comel

Tokleh lupo duk napok bayange

Hidup bahgio ku ange-ange

Rupo-rupo hanyo mainey

Berjanji demo kato saye

Nok semati ken bercerai bade

Dale hati pujo demo sore

Akhir lari jadi milik ore

Aku tahu kini mu doh jemu

Aku malu tokse doh bertemu

Hanyo satu yang aku mahu

Maafkan aku mencintaimu

Segalo budi tidok berguno

Segalo janji doh tidok bermakno

Sudoh jadi adat dunio

Kayo dipuji miskin dihino..

Versi muzik dikir barat asli

Versi muzik moden

Rozana - Janda Muda

Lirik:

Bakpo gak wei..

Nasibnyo ambo.

Sekali ambo mikir

Nok bederai air mato..

Ingat sekali tak dok guno.

Ginilah ambo mitok doa

Kepado Ilahi…

Kabulkanlah doa..

Loni ambo jando mudo..

Nok menyesal pun tak dok guno..

Doh nasib nyo ambo..

Terpakso ambo terimo..

Kade-kade tu ambo teriok

Dale dado nyo sekok sebok.. 2X

Ohh abe.. duduk mano..

Marilah kelik adik nok tanyo..

Cubo lihat lah bilik duk kosong lamo..

Tido sore ambo tok jenero..

Tok ingat koh abe ko anok mu..

Dio tanyo abe tiap waktu..

Ambo kato abe banyok uruse..

Abe meeting tiap-tiap male..

Kade-kade tu ambo teriok..

Dale dado nyo sekok sebok.. 2X

Loni ambo jando mudo..

Nok menyesal pun tak dok guno..

Doh nasib nyo ambo..

Terpakso ambo terimo..

Kade-kade tu ambo teriok

Dale dado nyo sekok sebok.. 2X

Ohh abe.. duduk mano..

Marilah kelik adik nok tanyo..

Cubo lihat lah bilik duk kosong lamo..

Tido sore adik tok jenero..

Tok ingat kah abe ko anok mu..

Dio tanyo abe tiap waktu..

Ambo kato abe banyok uruse..

Abe meeting tiap-tiap male..

Kade-kade tu ambo teriok..

Dale dado nyo sekok sebok..

Male-male ambo tok jenero

Dale dado nyo sekok sebok

Lepah tu gak.. abe..

Abe kelik jauh.. male..

Nok buat guano.. abe..

Lagu ni tok leh.. tehe..

Lepah tu gak.. abe

Male-male .. ambo tido.. sore..

Comel loteng

Lagu : Comey Loteng

Pnyayi : JBT, Udy, & Man Khan

Lirik : Udy

             * comey loteng anok sapo dio,

                tubohnyo sederhana sajo,

                putih kuning muko bujur telor,

                tokleh leh nok seko buje ko daro,

comel nyo wei sunggoh kenenyo raso

nyo paka baju baju biru beloh di dado

perangai lemoh lembut gayo bergayo

pingge ramping lecu di mulut meroh menyalo

ule *

pertamo kali jupo denga dio

di tepat rama di stesen kereto sewo

nyo senyum mari supo beso2

2 3 kali nyo dok mari la eko mto

ule *

line nyo wei sunggoh tgk ko air muko

bunyi kaba buah hati dok cari kito

tok cukup sore nyo nok paka duo

mek jatuh hati pun xleh nok wak apo

ule *

line nyo wei sunggoh tgk ko mato

bunyi kaba be Udy po jatuh hati jugo

baloh dgn Jali nok wak bini mudo

mujo ado Me nyo tulun plera gak tulun kiro

ule *

hati sapo dio nok tehe raso

i love u tok kena tuo tok kena mudo

penyakit asmaro pon balo2

kalu kure saba laki bini cera talok tigo

ule *

Dikir Hijrah

Lirik:
hijrah lawa hai semua

bue penyakit dale diri

hidup tidakkan berguna

jika tiada ime di hati

hidup tidak kekal lama

sapa masa akan pergi

solatullahi wassalam

a'la manhu biyal quran

wa ah lil bai tihi kirab

wasabbihi zawil quran

hijrah satu perjuange

amat perlu pengorbane

sifat buruk tuhe tok kene

ambik tohok gati hok come

mintok ampun segala doso

hati tene bahagia

solatullahi wassalam

a'la manhu biyal quran

wa ah lil bai tihi kirab

wasabbihi zawil quran

hijrah satu perjuange

amat perlu pengorbane

sifat buruk tuhe tok kene

ambik tohok gati hok come

mintok ampun segala doso

hati tene bahagia

Dikir Hijrah - Kelate Sohor

Selamat datang ke negeri kelate

negeri bertuah rakyat saye menyaye

pasti kamu dilaye dengan kemesraan

budaya kelate penuh kesopanan

budaya kelate penuh kemesraan

*mari2 pakat mari

mari melawat negeri kelate

sakat sari dua hari

ai tok puah la g jale

daripada guo muse

hingga sapa rata panje

kane bukit kiri hute

sawoh padi tanoh bende

banyok bena makene minume

resepi terkenal sejak zame berzame

kuih tradisional menjadi hidenge

hego tidok mahal bulih wak bandinge 2x

*masuk bandar koto baru

singgoh make atah pasa

nasi dage nasi kabu

ule budu samba peta

kuih akok woh ulu

teri mandi lopat tike

kuih soho dari dulu

lemak manih sedak make

negeri kelate koto budaya

oh seni warise tinggale pusako

seni ukiran tange seni tari dan soro

jadi kebanggaan seluruh dunio

jadi kebanggaan sapa antarabangsa

*waye kulit dikir barat

hai wau bule traju tigo

palu bano ghesek rebat

jijok angin nga tok traso

come sungguh tie larik

hai ukire bunggo2

tenun songket nyanting batik

bulih tgk mano2

bukit bukau gunung dan laute

udaronyo segar takdok pencemare

mandi ditepi pata air terjun de jere

sedarnyo tok sedar hari sudoh pete 2x

*jeghe pasu jeghe liney

pata irama cahaya bule

menarik comey2

bulih teneyke fikire

wakaf che yeh rata panje

pasar siti khodijoh

serba serbi jenih bare

ado jual muroh2

selamat datang ke negeri kelate

negeri bertuah rakyat saye menyaye

pasti kamu dilaye dengan kemesraan

budaya kelate penuh kesopanan

budaya kelate penuh kemesraan

Mail Anak Kala - Mata Memandang

Lirik :

Pertama kali mata memandang,

Ingin dihati nak berkenalan,

Ukir senyuman tanda ku faham,

Buktikanlah tanda kasih sayang.

Andainya tepuk sebelah tangan,

Langit dan bumi amat menderitakan,

Betapa jauh mata memandang,

Nak ku milik gadis pujaan.

walaupun sakit mata memandang,

Bahu memikul berat muatan,

Harapnya dikau beri jawapan,

Rinduku nanti hai tak kunjung datang.

Kasih ku puja tiada keikhlasan,

Jiwa yang murni perlu pengorbanan,

Harap bahagia dalam kemewahan,

Terlindung resah disebalik ikatan

Begini lah hidup dalam khayalan,

Apa dipujuk pasti mendatang,

Indah suria tetap menjelang,

Namun pasrah kekal diingatan.